KABUL, 23 mars /ATSH/ – Talebanët anuluan vendimin për të lejuar vajzat afgane të kthehen në shkollën e mesme, duke thënë se ende nuk është marrë një vendim për uniformat që duhet të veshin, shkruan BBC.
Shkollat supozoheshin të hapeshin në mbarë vendin, pas muajsh kufizimesh që kur talebanët morën pushtetin, në gusht.
Por, Ministria e Arsimit njoftoi papritur se shkollat e mesme të grave do të mbeten të mbyllura, duke krijuar konfuzion.
Vendimi erdhi një javë pasi Ministria e Arsimit njoftoi se shkollat për të gjithë nxënësit, përfshirë vajzat, do të hapeshin sot në të gjithë vendin.
“Njoftojmë të gjitha shkollat e mesme të vajzave dhe ato shkolla që kanë nxënëse mbi klasën e gjashtë, se shkollat do të rihapen pasi të jetë marrë një vendim për uniformën e nxënësve në përputhje me “ligjin e Sheriatit dhe traditën afgane”, thuhej në komunikatë.
Lëvizja e e papritur ngjalli zemërim të thellë nga prindërit e nxënësve./ /os/
