Asambleja e Përgjithshme Vjetore e Komitetit Olimpik të Kosovës, mbahet më 31 mars 2023, në Hotel Emerald në Prishtinë.
Kuvendi po përgatitet në mënyrën më të mirë.
A do të kërkohet votëbesimi për Komitetin Olimpik të Kosovës?
“Nuk do të kërkohet votëbesimi sepse për të kërkuar atë duhet së paku 21 ditë para Kuvendit që të procedohet çështja.
Nuk ka rëndësi kjo tash për tash por së shpejti do të kemi kuvendin e jashtëzakonshëm”, – tha një burim nga opozita për gazetën kombëtare “Bota sot”.
Merret vesh se temë shumë e nxehtë do të jetë rasti i Federatës së Notit dhe Taekvondos.
Siç merret vesh, opozita është e irrituar sepse për çështjen e Notit dhe taekwondos është lënë si pika e 17-të, në të ndryshme por është kërkuar që ajo të jetë ndër 5-6 pikat e para.
Një anëtar brenda bordit të KOK-ut, në kushte anonime, thotë shkurt: “Nuk e di, është një lloj frike edhe tek ne nga opozita”.
