Në vitin 1993, Cruzeiro i dha mundësinë Ronaldo Fenomenit të shpaloste për mbarë botën magjinë e tij. Në vitin 2022, fenomeni është kthyer në shtëpi. Tashmë gjithçka është zyrtare, legjenda braziliane e futbollit është presidenti i ri i Cruzeiros pasi bleu 90% të aksioneve.
Firma për të blerë aksionet në fakt është bërë që më datën 8 prill, por njoftimi zyrtar mbërriti orët e fundit. Ronaldo do të nisë kështu një proces për të rindërtuar ekipin që së fundmi është duke kaluar disa vështirësi ekonomike dhe rezultate sportive.
Gjatë fjalës së tij si president i Cruzeiro, fenomeni u shpreh se është shumë i nderuar për këtë detyrë. “Ne vazhdojmë të kemi objektiva afatshkurtër, afatmesëm dhe afatgjatë për klubin.
Kemi disa fronte ku duhet të luftojmë dhe e dimë se na pret përpara një punë shumë e vështirë. Megjithatë, tani kemi siguri se do ta bëjmë Cruzeiron të funksionojë dhe të marrë rezultate”, u shpreh ndër të tjera Ronaldo. /oversport.tv
✍🦊 RONALDO ASSINA CONTRATO DE COMPRA DA SAF!
Após aprovação por aclamação na última semana por parte do Conselho Deliberativo sobre ajustes no modelo de contrato, Cruzeiro e @Ronaldo efetuaram a assinatura do contrato de 90% das ações da SAF.
➡ https://t.co/HI6RruhYbW pic.twitter.com/ee3oUGD7W9
— Cruzeiro 🦊 (@Cruzeiro) April 14, 2022
Foto: Cruzeiro, Twitter