Silvio Berlusconi është rikthyer për të parë Monzën në stadium dy vjet pas herës së fundit në takimin e Serie C Monza-Lecco që përfundoi 4-0 për bardhekuqtë.
Presidenti i klubit të Monzës u rikthye në stadium për ndeshjen kundër Spal dhe rezultati ishte i njëjtë.
“Do të vij edhe dy të shtunave të ardhshme që do të luajmë kundër dy skuadrave kryesuese”, tha Berlusconi ndërsa u ndal pak edhe në kohën kur ishte president i Milanit. “Me Milanin kisha një zakon.
Para ndeshjeve të rëndësishme shkoja gjithmonë në dhomat e zhveshjes dhe thosha edhe fjalën time të fundit në mënyrë që ata të mund të luanin me zemër. Më pas kthehesha pas ndeshjes për të uruar apo komentuar takimin”.
Oggi a Monza sono tornato allo stadio. Il calcio è sempre stata la mia passione. Con 29 trofei vinti mi onoro di essere il Presidente più vincente della storia. pic.twitter.com/Bd942JQXNA
— Silvio Berlusconi (@berlusconi) February 12, 2022
