Ish-kreu i antiterrorizmit për Policinë Metropolitane në Londër, Anil Kanti ‘Neil’ Basu, ka pohuar se Meghan Markle u përball me disa kërcënime kur jetonte në Britaninë e Madhe.
Ai theksoi se kishte kërcënime të rënda nga e djathta ekstreme kundër Markle dhe bashkëshortit të saj Princit Harry përpara se çifti të transferohej në Shtetet e Bashkuara.
“Unë kam folur publikisht për shumë vite për kërcënimin e terrorizmit të ekstremit të djathtë në këtë vend,” tha Basu për Channel 4 News.
“Nëse do të kishit parë gjërat që ishin shkruar dhe po i merrnit – lloji i retorikës që është në internet – nëse nuk e dini atë që unë di, do të ndiheshit nën kërcënim gjatë gjithë kohës.”
Basu zbuloi gjithashtu se disa njerëz u ndoqën penalisht nga ekipi i tij pasi ata hetuan kërcënimet ndaj Dukeshës së Sussex.
Harry kishte pranuar më parë në dokumentarin “The Me You Can’t See” se ishte i shqetësuar për jetën e gruas së tij pas vdekjes tragjike të Princeshës Diana në një aksident me makinë.
“Historia po përsëritej”, tha ai. “Nëna ime u ndoq deri në vdekje ndërsa ajo ishte në një lidhje me dikë që nuk ishte i bardhë (Dodi Al Fayed), dhe tani shikoni se çfarë ka ndodhur. Dëshironi të flisni për historinë që përsëritet? Ata nuk do të ndalen derisa ajo të vdesë.”