Zjarrfikësit e Antalias shpëtuan nga rrënojat 15-vjeçaren Ayfer dhe motrën e saj 13-vjeçare Fatma, 99 orë pas tërmetit në Kahramanmaraş.
Ayfer gjatë shpëtimit i kërkoi ekipit t’i vendosnin këngën e saj të preferuar ‘Gül Beyaz Gül’ nga këngëtarja Zeynep Bastık.
Pasi u morën shenjat e jetës nga dëgjimi i tingujve sizmikë, ekipet u ndeshën me kohën dhe arritën në pikën ku ndodhej Ayfer duke hapur një korridor të gjatë në ndërtesë.
Gjatë shpëtimit 10 orësh, zjarrfikësit bisedonin vazhdimisht me vogëlushen dhe i bënin pyetje për ta mbajtur të ndërgjegjshme.
Ayfer përveç se ka dashur të dëgjojë këngën ‘Trëndafil i bardhë trëndafil”, ajo tha se i mungonte akullorja.
Zjarrfikësit i plotësuan dëshirën vajzës të dëgjonte këngën nga rrënojat duke biseduar me njëri-tjetrin. Zjarrfikësit i premtuan gjithashtu Ayferit se do të hanin akullore së bashku.
Brigada e zjarrfikësve të Antalias mori shenja jete nga motra e Ayferit, Fatma, në të njëjtën rrënoja. Të përqendruar në përpjekjet e shpëtimit, zjarrfikësit e shpëtuan Fatmën pas 101 orësh dhe ia dorëzuan ekipeve mjekësore.
Top Channel
