Stiven Shpendi, sulmuesi i talentuar i Cesenas, është në shënjestrën e shumë klubeve të njohura të Serie A. Tashmë nuk është një sekret që sulmuesin shqiptar, e kërkojnë emra të mëdhenj të kampionatit italian si Milan, Napoli, Fiorentina dhe Sassuolo.
Sipas “Corriere Romagna”, Cesena nuk ka ndërmend që ta lëshojë lehtë “xhevahirin” e saj. 19-vjeçari ka një kontratë deri në vitin 2025 me klubin bardhezi, por duket shumë e vështirë që Cesena (aktualisht militon në Serie C) të mbajë talentin shqiptar në skuadër.
Në 12 ndeshje që ka luajtur me skuadrën e tij në kampionat, Shpendi ka shënuar 3 gola. Sulmuesi është pjesë e kombëtares kuqezi madje ka shënuar edhe gol në miqësoren e luajtur ndaj Kroacisë U20 në 25 shtator të këtij viti. / Oversport.tv
Foto: Cesena FC Twitter
Calcio C, tutti pazzi per Stiven Shpendi: quattro club di A lo cercano ma il Cesena non intende cederlo – https://t.co/ZlPjhbHBKM pic.twitter.com/Ed8mevF3rQ
— CorriereRomagna (@CorriereRomagna) December 27, 2022
