Këshilli i Bashkimit Evropian njoftoi se kishte arritur një marrëveshje për një “paketë legjislative që do t’i mundësojë BE-së të ofrojë ndihmë financiare për Ukrainën gjatë vitit 2023 me 18 miliardë euro”.
Propozimi do t’i paraqitet Parlamentit Evropian “për miratim të mundshëm” javën e ardhshme.
Hungaria nuk e mbështeti paketën e ndihmës në takimin e ambasadorëve. Ministri hungarez i Financave Mihaly Varga tha se “Hungaria nuk mbështet ndryshimet në rregulloren financiare”.
BE-ja mund të ndajë para vetëm me mbështetjen e të 27 vendeve të BE-së, pasi rregullat e buxhetit kërkojnë unanimitet.
Megjithatë, ministri çek i financave dhe presidenti i Këshillit të Çështjeve Ekonomike dhe Financiare të BE-së (ECOFIN), Zbynek Stanjura tha se BE-ja po kërkon një mekanizëm tjetër për të filluar shpërndarjen e fondeve për Ukrainën.
“Legjislacioni që miratuam sot do të thotë që Ukraina mund të llogarisë në ndihmën e rregullt financiare nga BE gjatë vitit 2023”, tha Stanjura. /tesheshi.com/
