Tashmë është zyrtare, Granit Begolli është trajneri më i ri i skuadrës nga qyteti i Prizrenit – Lirisë.
Begolli ka konfirmuar marrëveshjen e arritur me klubin.
Gjithashtu, Begolli bëri të ditur se asistent i tij do të jetë Blerim Bunjaku.
”Me kënaqësi dua t’ju njoftoj se që nga sot do të jem pjesë e një ndër klubeve më të mëdha të futbollit kosovar, FC Liria.
Së bashku me asistentim tim Blerim Bunjaku do të udhëheqim ekipin me përgjegjësi për arritjen e objektivave.
Forca Liria” – shkroi Begolli në llogarinë e tij në ”Facebook”.
Liria stinorin vjeshtor në Grupin A të Ligës së Parë e mbylli me 19 pikë në vendin e gjashtë, me tetë më pak se skuadra në vendin e parë – Trepça ’89.