Një plaçkitës i dyshuar i shtëpive, i kërkuar në të gjithë Europën, nëpërmjet Zvicrës u ekstradua në Gjermani. I kërkuari mësohet se në vitin 2019 ka thyer banesa në Gjermani në disa raste. Ai u arrestua në Zvicër dhe tani ndodhet në paraburgim gjerman.
Shqiptari 24-vjeçar është shpallur në kërkim prej tre vitesh në Gjermani me urdhërarrest kombëtar. Në dy raste, burri mësohet se ka thyer banesat në vitin 2019. Ai prej një muaji ishte në kërkim me fletarrest europian dhe u arrestua në Zvicër, informon portali Shtegu.
Kishte edhe një urdhërarrest të dytë për shkak të një dënimi të formës së prerë nga një gjykatë. Për shkak se ka hyrë në Gjermani pa leje në vitin 2017, është dënuar me 900 euro gjobë. Megjithatë, duke qenë se 24-vjeçari nuk e ka paguar asnjëherë gjobën, gjykata ka urdhëruar ekzekutimin e dënimit zëvendësues të paraburgimit prej 90 ditësh.
Gjithashtu, personi ishte në kërkim për shkak të rastit veçanërisht të rëndë të vjedhjes. Të enjten (24 mars 2022), i kërkuari u transferua në Gjermani nga autoritetet zvicerane në vendkalimin e autostradës ëeil am Rhein. Burri u soll para gjyqtarit nga policia federale dhe më pas u dërgua në një institucion korrektues.
