I dërguari i Bashkimit Evropian për dialogun Kosovë – Serbi, Miroslav Lajçak dhe i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, kanë arritur në Qeverinë e Kosovës për takimin e paralajmëruar me kryeministrin, Albin Kurti.
Në këtë takim pritet të diskutohet për gjendjen në veri, planin evropian për marrëveshje mes dy palëve si dhe takimi i ardhshëm mes kryeministrit kosovar Albin Kurtit dhe presidentit serb, Aleksandar Vuçiq në Bruksel, njofton Klankosova.tv.
Më poshtë e gjeni raportimin e gazetarit, Flamur Gajtani, rreth këtij takimi.