Paul Pogba raportohet se është pranë transferimit te Real Madridi si lojtar i lirë, shkruan Zeri.info.
Presidenti i Real Madridit, Florentino Perez, beson se tani klubi duhet të nënshkruajë lojtarë si lojtar të lirë, sipas “Marca”. Gazeta spanjolle gjithashtu shkruan se ky transferim është më afër se kurrë që të ndodhë.
Te drejtuesit e madrilenëve thuhet se ka mosmarrëveshje për transferimin e Pogbas, por trajneri Carlo Ancelotti e pëlqen mesfushorin.
Real Madridi është i vetëdijshëm për nevojën për të forcuar mesfushën në të ardhmen e afërt. Objektivi kryesor i “Los Blancos” është transferimi i Mbappes, por edhe nënshkrimi me mesfushorin francez është në listën e prioriteteve.
Kontrata aktuale e Pogbas me Manchester United skadon në verën e vitit të ardhshëm dhe palët nuk kanë rënë dakord për nënshkrimin e një marrëveshjeje të re.
Këtë sezon, 28-vjeçari ka luajtur në 13 ndeshje për “Djajtë e Kuq” dhe ka bërë shtatë asistime.
