Lulzim Basha i cilësoi demagogji, primaret e njoftuara nga Berisha ditën e nesërme, lidhur me kandidimet per zgjedhjet e 6 Marsit.
“Nuk ka primare nga pala tjetër, ka thjesht demagogji, propapagandë sepse dihet si i kanë marrë vendimet historikisht”, tha Basha.
Gjatë një interviste në News 24, Basha u pyet edhe lidhur me mënyrën se si PD do të përcaktojë kandidatët për këto zgjedhje, ndërsa tha se edhe marrëdhëniet me aleatët janë të impaktuara nga zhvillimet në PD.
“Ndërkohë PD ka nisur një process të konsultimit me bazën, mbi tavolinat e përfaqësive tona, të deputetëve, të kryetarëve të degëve. Janë sugjerimet që vijnë nga anëtarësia dhe qytetarët dhe procesi do të ndjekë radhën statutore që do të miratohen më pas nga Kryesia. 6 Marsi kërkon nga PD që pavarësisht rrrethimit të zgjedhjeve nga Trekëndëshi i Bermudës dhe domosdoshmëria që ata kanë për të legjitimuar anomalitetin, ne do të bëjmë gjithçka për ta kthyer vëmendjen tek njerëzit dhe kjo do të reflektohet edhe tek kandidaturat tona”, tha Basha.
