Është zbuluar edhe paga e trajnerit argjentinas, Diego Simeones, i cili po e udhëheq tash e sa vite me sukses Atletico Madridin.
Madje, paga e tij i kalon edhe pagat e Kylian Mbappes dhe të yjeve të tjerë të futbollit botëror. Në fakt, besohet se Simeone paguhet 3,33 milionë euro në muaj.
Sipas “France Football”, ylli i PSG-së, Kylian Mbappe dhe ylli i Manchester United, Cristiano Ronaldo paguhen nga 2,63 milionë euro në muaj, kurse Kevin de Bruyne në Manchester City e ka rrogën mujore 2 milionë euro.
Simeone është njëri prej trajnerëve më të mirë dhe më të paguar në botë. Me klubin spanjoll e ka fituar dy herë titullin e kampionit në La Liga dhe ka shkuar edhe në finale të Ligës së Kampionëve.