Dymbëdhjetë emigrantë nga Siria janë gjetur sot në një automjet me targa franceze në autostradën “Miqësia” afër Negotinës. Janë arrestuar dy persona – B.K. (19) nga fshati Bllacë i Shkupit dhe H.S. (28) nga fshati Grushinë i Shkupit.
Automjeti i markës “BMV” drejtohej nga B.K. i cili në pikë pagesën Demir Kapi nuk është ndalur në shenjën e ndalimit. Menjëherë pas kësaj automjeti është ndaluar, por B.K. ka ikur pastaj është gjetur dhe privuar nga liria, ndërsa H.S. është privuar nga liria sepse me automjetin “Mercedes” ishte në rolin e paraardhësit.
Personat janë arrestuar në stacionin policor dhe ndaj tyre pas dokumentimit të plotë të rastit në koordinim me Prokurorin Publik do të bëhet kallëzim përkatës.
Emigrantët siç njofton MPB, do të dërgohen në Qendrën për pranim dhe tranzit për procedurë të mëtejshme.
