Kryeministri dhe kryetari i dorëhequr i LSDM, Zoran Zaev përmes një postimi në facebook ka shkruar për detajet rreth takimit me partitë e vogla të koalicionit.
Ja postimi i Zaevit për takimin e zhvilluar mbrëmë:
“Kemi siguruar shumicë stabile në Kuvend dhe Qeveri stabile me hyrjen e Alternativës në pushtetin ekzekutiv.
Në takimin me liderët e partive të koalicionit qeveritar, i njoftova me detajet e marrëveshjes së Alternativës, si dhe përmbajtjen e dokumentit “Parimet themelore për përmirësimin e programit të punës së Qeverisë së Republikës sê Maqedonisë së Veriut” cili duhet të jetë saktë dhe më qartë për t’u bërë pjesë integrale e programit të qeverisë së re.
Sipas marrëveshjes, Alternativa merr përgjegjësinë për veprimtaritë në disa ministri, institucione, njësi qarku apo borde, në përputhje me parimet e vendosura më parë për arritjen e një marrëveshjeje të zgjerimit të shumicës.
Marrëveshja e arritur është garanci se kemi një shumicë që do të punojë për zgjidhjet për fillimin e negociatave për anëtarësim në BE, trajtimin e pandemisë COVID-19 dhe krizën globale energjetike.”, ka shkruar Zaev.