Mbrojtësi shqiptar, Mergim Vojvoda pak para ndeshjes ndaj Cagliarit, foli për DAZN në lidhje me luftën Ukrainë – Rusi, shkruan Insporti.
27-vjeçari foli rreth luftës së vazhdueshme në Ukrainë dhe ndjenjat e tij për këtë çështje.
“Nuk është e lehtë të flasësh për këtë, ne të gjithë ndjekim atë që ndodh. Ata që e jetojnë këtë e dinë se si është ndjesia, qofshin ata ukrainas apo rusë. Shpresojmë që gjithçka të ndalojë shpejt. Në luftë nuk ka fitues” – tha Vojvoda.
Ndryshe, UEFA e ka zhvendosur finalen e Ligës së Kampionëve nga Shën Petersburgu në Paris dhe ekipet kombëtare polake dhe çeke po refuzojnë të luajnë kundër Rusisë në play-off-in e ardhshëm të Kupës së Botës 2022.
Rusia pushtoi Ukrainën në fillim të kësaj jave dhe sanksione gjithnjë e më serioze po vendosen mbi rusët, me mbështetje të konsiderueshme që i dërgohet shtetit të Ukrainës.
/Insporti.com
