Jeta është përplot sfida! Një jetë interesante është edhe e ish volejbollistit Visar Alimehaj!
Djaloshi u lind në Tripol të Libisë dhe rreth moshës 7-vjeçare kthehet në Kosovë përkatësisht në fshatin Lybeniq të Pejës.
Klasën e parë e filloi në Tripoli, por gjysmëvjetorin e dytë e kishte vazhduar në Lybeniq.
Kush është Visar Alimehaj?
Ish volejbollist dhe ish nënkryetar i Federatës së Volejbollit të Kosovës, një kohë edhe ish drejtor KV Peja.
Visari është një djalë shembullor dhe i pari që alarmoi opinionin për abuzime seksuale në sportin e Kosovës.
Djaloshi që sot ka 37 vite, jeton e vepron në Kanada dhe është sekretar i përgjithshëm i Federatës së Arteve Marciale.
Sot ka promovuar librin: “E drejta sportive në Kosovë dhe Gjykata Ndërkombëtare e Arbitrazhit për Sport – CAS”.
Një libër me shumë domethënie dhe që i ka munguar shtetit të Kosovës.
Jeta e tij është me peripeci por edhe me të arritura të shumta në sferën arsimore dhe sportive.
Nga nëntori i vitit 2021 filloj punën si Koordinator i Programeve në Federatën e Volejbollit të Kanadasë, Volleyball Canada & Volleyball BC në Vancuver, Kanada.
Një personalitet i veçantë, i guximshëm dhe që shijoi vitet e para të jetës në Libinë e diktatorit Muammar Gaddafi.
Alimehaj tha për gazetën kombëtare “Bota sot” edhe pse ka lind në Libi, nuk e ka nënshtetësinë e këtij shteti.
