Fillimi i gjysmëvjetorit të dytë në shkollat fillore dhe të mesme shtyhet deri më 1 shkurt të këtij viti. Kështu vendosi Qeveria e Republikës së Maqedonisë së Veriut në seancën e Qeverisë me rekomandim të Shtabit të Përgjithshëm Koordinues të Krizave dhe në pajtim me informacionet epidemiologjike që vendi është në kulmin e infeksionit.
MINISTRIA E ARSIMIT DHE SHKENCËS
“Në përputhje me vendimin e qeverisë mësimi me prani fizike në shkolla vazhdon më 1 shkurt. Ky vendim nuk do të ndikojë në përfundimin e vitit shkollor, i cili do të përfundojë më 10 qershor siç parashikohet në kalendarin për programin mësimor për arsimin fillor dhe të mesëm, sipas përshtatjeve përkatëse të planeve mësimore”.
Nga Ministria e Arsimit u bëjnë thirrje prindërve, mësimdhënësve dhe nxënësve që gjatë pushimit t’u përmbahen masave dhe rekomandimeve për mbrojtjen nga Covid-19, si në shtëpi ashtu edhe në ambientet e hapura.
Ndryshe, mësimi për gjysmëvjetorin e dytë, në shkollat fillore dhe të mesme, duheshte të fillon më 21 janar, por përhapja e shumtë e koronavirusit bëri që të shtyhet për dhjetë ditë.
Samir Mustafa /SHENJA/