715 shoferë janë gjobitur të dielën pasi kanë lëvizur me shpejtësi më të madhe se ajo që lejohet me rregullat e komunikacionit. Gjatë një kontrolli aksionar që bëri të dielën Ministria e Punëve të Brendshme në të gjithë territorin e vendit sanksionoi qindra shoferë të cilët nuk i respektonin rregullat e qrkullimit rrugor.Nga MPB sqarojnë se nga 715 automjetet që lëviznin me shpejtësi të madhe, 336 automjete kanë tejkaluar shpejtësinë në vendbanime, ndërsa 379 automjete jashtë vendbanimeve.
MINISTRIA E PUNËVE TË BRENDSHME
“Janë sanksionuar 715 drejtues mjetesh. Prej tyre, 55 automjete lëviznin me shpejtësi mbi 50 kilometra në orë më shumë se shpejtësia e lejuar dhe gjashtë automjete me shpejtësi edhe më shumë se 70 kilometra në orë”.
Nga Ministria e Punëve të Brendshme, theksojnë se kontrollet e trafikut do të vazhdojnë edhe në ditët në vijim. Në ndërkohë, ata gjithashtu apelojnë tek të gjithë përdoruesit e komunikacionit që të respektojnë rregullat dhe rregulloret e qarkullimit rrugor dhe bashkërisht të kontribuojmë për rrugë më të sigurta. /SHENJA/
