Në autobusin e aksidentuar në Bullgari nuk ka pasur lëndë të ndezshme. Shkaku i aksidentit është padyshim një gabim njerëzor. Nga provat dhe ekspertizat është konstatuar se tragjedia në autostradën e Strumës është shkaktuar nga sjellja e shoferit. Kështu tha hetuesi bullgar Mladen Petrov në një intervistë për median bullgare “BTV” për aksidentin tragjik në të cilën humbën jetën 45 shtetas të Maqedonisë së Veriut.
Mladen Petrov, hetues
“Sjellja e shoferit është arsye pse ka ndodhur ajo situatë dhe për të zhvilluar aksidenti që përfundoi me këtë rezultat”.
Sipas tij, të gjitha spekulimet për praninë e lëndëve të ndezshme në autobus janë kontrolluar dhe është vërtetuar se nuk ka pasur materiale të tilla.
Mladen Petrov, hetues
“Në situatën specifike, largimi i autobusit nga korsia aktive dhe goditja e rrethojës mbrojtëse ka sjellë depërtimin dhe shkatërrimin e elementëve strukturorë, shtypjen e rezervuarit, ngjeshjen e përmbajtjes së tij. Kjo shoqërohet me shkëndija të bollshme të shkaktuara nga fërkimi në të cilin arrihet temperatura dhe presioni i nevojshëm për ndezjen e karburantit”.
Lidhur me spekulimet se incidenti ka ardhur si pasojë e shënimeve në autostradë të Strumës, Petrov tha se me të vërtetë shenja horizontale, shenja anësore është pak e zbehur, por nuk është e padukshme, sipas tij mesi, vija qëndrore që ndan korsitë është mjaft e ndritshme dhe sigurisht e dukshme.
Linda Ebibi /SHENJA/
