Luiz Ejlli është kthyer në një nga personazhet më të dashur të momentit për publikun shqiptar. Këngëtari, i cili së fundmi është bërë pjesë e shtëpisë së Big Brother ka arritur të bëjë për vete një pjesë të madhe të shqiptarëve.
Që në momentin e parë kur ka hyrë në shtëpi, ai nuk ka reshtur së thëni se ka një pëlqim për një nga konkurrentet e këtij edicioni. E bëhet fjalë për moderatoren Kiara Tito, së cilës ai i ka shprehur simpatinëqë në ditët e para.
Dyshja kanë tashmë një marrëdhënie të konsoliduar, teksa Kiara i ka kërkuar Luizit kohë për të kuptuar se çfarë ndjen për të. Pak ditë më parë, ata kanë pasur edhe një ulje në marrëdhënien e tyre, por Kiara ka vendosur t’i japë një shans të dytë.
Së fundmi, në një bisedë me banorët e tjerë, Luizi ka deklaruar se vetëm një femër mund ta ndalojë atë mos të merret me Kiarën. Dhe ajo është nëna e këngëtarit.
Luizi: Veç po u hap ajo derë dhe hy një femër, vetëm një femër mund të më ndalë mua që mos të merrem me Kiarën.
Olta: Kush?
Luizi: Veç po hyri nëna, se thotë lëre se flas vetë me të.