Evi Kokalari mbështetësja e ish kryeministrit Sali Berisha vazhdon ironinë me ish kryeparlamentaren Jozefina Topalli duke thënë se nëse do bëhet presidente Majlinda Bregu, Xhozi do pësojë infarkt.
Kokalari ka përmendur emrin e Majlinda Bregut, pasi ajo është lakuar në ambientet e politikës si pretendete e mundshme për postin e kreut të shtetit.
“Aman vetëm Majlinda Bregun mos e bëni Presidente se do të na pësoj infarkt kardiak Xhozi”, shkruan Kokalari, e cila disa ditë më parë e akuzoi Topallin si mëndjemadhe dhe xheloze, që nuk i fliste me gojë.
Topalli u përgjigj se nuk e njeh, ndaj nuk i flet.
“Jo. Nuk është ashtu. Nuk kemi miqësi, nuk njihemi” ka thënë Topalli.