VARSHAVË, 17 shkurt /ATSH-DPA/- Raportimet se një kopsht fëmijësh në Ukrainën lindore u godit drejtpërdrejt nga bombardimet separatiste kanë shkaktuar shqetësim për Organizatën për Siguri dhe Bashkëpunim në Evropë (OSBE).
“Bombardimet pa dallim të zonave civile përbëjnë një shkelje të qartë të armëpushimit dhe marrëveshjeve të Minskut. Ne bëjmë thirrje për parandalimin e menjëhershëm të përshkallëzimit të mëtejshëm”, tha Zbigniew Rau, ministri i Jashtëm i Polonisë dhe kryetar i OSBE-së.
OSBE theksoi mbështetjen e fortë për të gjitha përpjekjet diplomatike që synojnë zbutjen e tensioneve të vazhdueshme dhe rivendosjen e paqes, sigurisë dhe stabilitetit në Ukrainën lindore.
“Misioni i tij Special Monitorues në Ukrainë do të vazhdojë të luajë “rolin e tij jetik duke monitoruar dhe raportuar mbi situatën e sigurisë në terren”, shtoi OSBE. //a.i/