VARSHAVË, 10 mars /ATSH-PAP/- Numri i refugjatëve që kanë mbërritur në Poloni tani ka arritur mbi 1.4 milionë brenda dy javësh që nga fillimi i luftës në Ukrainë.
“Vetëm të mërkurën, 117,600 njerëz kaluan kufirin”, tha sot Roja Kufitare polake në Twitter.
Megjithatë, tani ka shenja se eksodi ka arritur kulmin dhe numri i kalimeve ditore po zvogëlohet.
“Deri në orën 7 të mëngjesit kishte 35% më pak refugjatë se mëngjesin e së mërkurës”, tha një zëdhënëse e Rojes Kufitare.
Roja Kufitare tha se rreth 141,000 njerëz ishin larguar nga Polonia për në Ukrainë që nga fillimi i luftës. Shumica e tyre ishin ukrainas të kthyer, dhe mes tyre ishin edhe 12,000 polakë, kryesisht njerëz që shpërndanin ndihma humanitare.
Ministrja e Brendshme gjermane Nancy Faeser udhëtoi në Poloni të enjten për të diskutuar mbështetjen për refugjatët ukrainas me homologët e saj francezë dhe polakë.
Faeser njoftoi se Gjermania do të dërgojë pajisje mjekësore në Poloni pas një seance speciale të Komitetit të Brendshëm të Bundestagut të mërkurën. //a.i/