Louis Van Gaal është ne qendër të kritikave, pasi siç ka pranuar vetë trajneri i “tulipanëve”, është ulur në stol në miqësoren kundër Gjermanisë në “Johan Cruijff Arena” ndonëse ishte pozitiv me covid.
Gjatë konferencës për shtyp pas ndeshjes, Van Gaal ka thënë: “mos u afroni, jam pozitiv me covid”. Ndonëse pozitiv tekniku është paraqitur normalisht në stadium dhe është ulur në pankinë, duke përqafuar lojtarët e tij dhe ata kundërshtarë, madje pa mbajtur maskë.
Sjellja e tij ka hapur polemika, sidomos në Gjermani, ku mediat e kanë sulmuar ashpër, por Van Gaal është justifikuar kështu: “mjeku më tha se janë vetëm mbetje të virusit, që shfaqen në testin molekular. Testi i shpejt më nxori negativ”. / Oversport.tv
Foto: OnsOranje Twitter
