KIEV, 27 tetor /ATSH-DPA/-Sulmet ajrore ruse kanë shënjestruar zonën përreth Kievit sot në mëngjes, sipas autoriteteve ukrainase.
Trupat ruse kanë bombarduar një nga komunat pranë Kievit. Shërbimet e shpëtimit janë vendosur në vendngjarje”, tha guvernatori Olexiy Kuleba në Telegram pa përmendur emrin e qytetit.
“Disa nga raketat ishin kapur”, shtoi ai.
Sulmet e reja erdhën pasi alarmi i sulmit ajror ra katër herë dje në Kiev.
“Në Ukrainën jugore, ushtria ruse lëshoi mbi 20 drone luftarake iraniane të tipit “Shahed-136″, dy orë para mesnatës”, njoftuan forcat ajrore ukrainase.
“Nëntëmbëdhjetë nga dronët ishin rrëzuar, shumica e tyre mbi rajonin e Odesës”, tha ai.
Informacioni nuk mund të verifikohet në mënyrë të pavarur.
“Ndërkohë, në gadishullin e Krimesë, i aneksuar nga Rusia në vitin 2014, një stacion energjie u sulmua nga një dron”, njoftoi sot guvernatori i emëruar nga forcat pushtuese ruse, Mikhail Razvozhaev.
Ukraina nuk ka pranuar zyrtarisht përgjegjësinë për sulmet, por incidentet sugjerojnë se vendi është në gjendje të shënjestrojë objekte përtej vijës së frontit. //a.i/