PARIS, 29 tetor /ATSH-DPA/ – Sipas një studimi të agjencive ndërkombëtare, më shumë se shtatë milionë persona janë zhvendosur brenda Ukrainës deri në gusht të këtij viti.
”Shumica e tyre janë gra, me pothuajse një të tretën që janë zhvendosur më shumë se një herë”, sipas një raporti të përbashkët nga agjencia e azilit të BE-së, Organizata për Bashkëpunim Ekonomik dhe Zhvillim (OECD) dhe Organizata Ndërkombëtare për Migracionin (IOM).
Në të njëjtën kohë, më shumë se gjashtë milionë nga ta kishin vendosur të ktheheshin në shtëpitë e tyre deri në gusht.
Sipas agjencisë së OKB-së për Refugjatët, 14,3 milionë persona janë larguar nga Ukraina deri më tani.
Tre të katërtat e tyre kanë shkuar në katër vendet fqinje të BE-së, Hungari, Poloni, Rumani dhe Sllovaki./ a.jor.
