ANKARA, 20 gusht /ATSH-AA/- Dy anije të tjera janë larguar nga Ukraina sipas marrëveshjes së Stambollit për eksportin e grurit, njoftoi sot Ministria turke e Mbrojtjes.
“Anijet u nisën nga porti ukrainas Chornomorsk”, tha ministria në Twitter.
Ajo shtoi se dy anije të tjera në lëvizje do të inspektohen gjithashtu në veri të Stambollit.
Turqia, OKB-ja, Rusia dhe Ukraina nënshkruan një marrëveshje muajin e kaluar për të rifilluar eksportet e grurit nga portet ukrainase në Detin e Zi, Yuzhny, Chornomorsk dhe Odesa, të cilat u bllokuan për shkak të luftës Rusi-Ukrainë, tashmë në muajin e gjashtë.
Një qendër e përbashkët koordinimi me zyrtarë nga të tre vendet dhe OKB-ja u krijua në Stamboll për të mbikëqyrur dërgesat.//a.i/