Shqipëria U-16 ka marrë sot ndaj Luksemburgut, duke marrë fitoren e tretë radhazi në turneun “UEFA Development” që u zhvillua në vendin tonë përgjatë datave 9-14 prill.
Kuqezinjtë e vegjël triumfuan me shifrat 5-1 teksa morën një tre pikësh mjaft të rëndësishëm që i rendit në vendin e parë të grupit pas tre ndeshjesh.
Skuadra e drejtuar nga Ervin Bulku e nisi ndeshjen me një formacion ndryshe nga dy ndeshjet e para, pasi sipas rregullores së këtij turneu, të gjithë futbollistët e grumbulluar duhet të aktivizohen në lojë.
Shqipëria kaluan në avantazh që në minutën e 5-të të takimit, pas një autogoli të portierit kundërshtar që i dha avantazhin kuqezinjve, të cilët nuk kënaqen, por kërkojnë edhe golin e dytë.
Dejvi Metaj do të shënonte golin e dytë, ndërsa tre minuta më vonë, Ergi Bastari do të realizonte edhe golin e tretë për kuqezinjtë, duke e mbyllur pjesën e parë me një rezultat dhe lojë të shkëlqyer e bindëse.
Në fraksionin e dytë të sfidës, kuqezinjtë shënojnë edhe dy herë të tjera me Dejvi Duron dhe Dean Vranicin, ndërsa Bruno Giesteiran shënon golin e vetëm për Luksemburgun. / Oversport.tv