Ditën e somte, skuadra e Dritës arriti që në fushën e rënduar të stadiumit të qytetit në Gjilan t’i mposhtën lipjanasit dhe u ngjitën në krye të tabelës, shkruan Insporti.
Moti me shi e pasqyroi sot më së miri gjendjen e mjerueshme të stadiumit në Gjilan, ku nuk ishin kushtet për t’u zhvilluar ndeshje futbolli.
Ishte sulmuesi nga Ferizaji, Astrit Fazliu ai që shënoi nga pika e bardhë në minutën e 90+, teksa u detyrua ta largonte baltën pasi nuk shihej pika e bardhë.
Në një prononcim për Insportin, Fazliu tha se kushtet sot me të vërtetë ishin të vështirë, por shpreson se rregullohet stadiumi vitin e ardhshëm.
“Nuk ndihemi mirë kur luajmë në kushte të tilla, vërtetë sot kanë qenë kushtet e vështira, por shpresoj që nga viti i ardshëm nuk do të përsëriten kushte të tilla, sepse shumë ë vështirë, por sido që të jëtë ne na interesuan 3 pikë dhe me plot meritë arritëm t’i marrim” – tha Fazliu.
Kujtojmë se, më 15 maj të vitit 2020 ishte nënshkruar memorandum bashkëpunimi mes Komunës së Gjilanit dhe Ministrisë së Kulturës, Rinisë dhe Sportit për ndërtimin e stadiumit të qytetit.
Në këtë stadium i zhvillojnë ndeshjet dy prej klubeve më të mëdha të Kosovës, Drita dhe Gjilani, e që garojnë vazhdimisht për titull kampioni. /Insporti.com
