STAMBOLL, 13 shkurt /ATSH-DPA/ – Të paktën nëntë persona janë zhdukur pas rrëshqitjes së dheut në një minierë ari në provincën lindore turke të Erzincanit, tha sot ministri i Brendshëm, Ali Yerlikaya.
“Nëntë punëtorë në İliç besohet se janë bllokuar nën rrënoja”, tha Yerlikaya për transmetuesin “CNN Turk”.
“Një total prej 400 punonjësish i janë bashkuar ekipit të kerkim-shpëtimit”, tha ministri, duke shtuar se gjithashtu kanë nisur hetimet për të zbuluar shkakun e ngjarjes.
“Autoritetet po punojnë për të përcaktuar shkakun e saktë të incidentit që ndodhi sot rreth orës 14:28”, tha kompania operative “Anagold Madencilik”.
E vendosur rreth 550 kilometra në lindje të kryeqytetit Ankara, miniera “Çöpler” në rrethin İliç të Erzincanit ka prodhuar ar që nga dhjetori i vitit 2010.
Turqia mban një rekord të aksidenteve vdekjeprurëse në miniera për shkak të masave të dobëta paraprake të sigurisë. //a.i/
