Pikërisht një vit më parë, në Spitalin Kantonal të Badenit lindën trenjakët Roan, Kian dhe Troy. Tani ata kanë festuar ditëlindjen e tyre të parë
Ishte një ngjarje e madhe më 1 janar 2021: Trenjakët Roan, Kian dhe Troy panë dritën e ditës herët në mëngjes në Spitalin Kantonal të Badenit, shkruan “Aargauer Zeitung“. Statistikisht, lindjet e trenjakëve janë shumë të rralla, me një mesatare prej vetëm shtatë trenjakë nga 10 000 të sapolindur në Zvicër. Dhe kur ata lindin ditën e parë të Vitit të Ri, buja është edhe më e madhe.
Tashmë familja Aliaj, e cila më parë kishte dy djem, festoi ditëlindjen e parë të trenjakëve. Gjatë një viti, familja u ndoq vazhdimisht nga televizioni rajonal Tele M1 – përfshirë në festën e ditëlindjes.
Trenjakët janë mirë, ashtu si edhe pjesa tjetër e familjes, informon portali Shtegu. Nënë Ardiana Aliaj mund të ketë pasur një vit të turbullt, por thotë me bindje: “Nëse vendos të kesh më shumë fëmijë, mund të jetë sërish i këndshëm dhe mund ta shijosh. Dhe kjo është ajo që ne donim të tregonim. Viti ishte i mirë”, thotë ajo.
Jeta e tre djemve nisi me një qëndrim të gjatë në spital. Për shkak se kishin lindur dy muaj më herët, ata duhej të qëndronin në BKS për mbikëqyrje. Më vonë ata bënë bujë sepse përdorën rreth 20 pelena së bashku për një ditë. Dhe kur familja shkoi në një udhëtim në kopshtin zoologjik, trenjakët ishin pothuajse një atraksion më i madh se sa kafshët.
