Franca është e gatshme të ndihmojë Marokun e goditur nga tërmeti në momentin që autoritetet “e konsiderojnë të nevojshme”, tha Presidenti Emmanuel Macron nga Samiti i G20-ës në Delhi të dielën.
Mesazhi i Macron vjen pasi shpëtimtarët në Marok po përpiqen të ndihmojnë njerëzit në fshatrat e largëta pranë epiqendrës së tërmetit.
“Ne kemi mobilizuar të gjitha ekipet tona të sigurisë teknike për të qenë në gjendje të ndërhyjmë kur autoritetet marokene e konsiderojnë të dobishme,” tha Macron në një konferencë shtypi në fund të samitit, duke shtuar se bisedimet ishin “në vazhdimësi midis ministrave dhe teknikëve”.
Macron tha se i dërgoi një mesazh Mbretit Mohammed VI pasi “tragjedia që pësoi Maroku na prek të gjithëve”.
“Ne kemi mobilizuar Bankën Botërore, FMN-në, Bashkimin Evropian dhe Bashkimin Afrikan që – së bashku me Francën – të shënojnë një angazhim të fortë të mbështetjes për Marokun, për popullin maroken, për rindërtim dhe ndihmë financiare në këtë kontekst”, shtoi Macron.
Top Channel
