Kukësi vazhdon të jetë shumë aktiv në këtë sesion të merkatos. Klubi verilindor njofton se ka blerë mesfushorin Rimal Haxhiu.
23-vjeçari ka firmosur për një sezon me skuadrën që drejtohet nga trajneri Gega. Haxhiu ka qenë pjesë e Dinamos sezonin e kaluar.
“Futboll Klub Kukesi njofton se mesfushori Rimal Haxhiu është zyrtarisht futbollist i skuadrës sonë! Futbollisti 23-vjeçar ka firmosur me klubin deri në fund të sezonit, duke u bërë kështu futbollisti më i ri në skuadër.
Haxhiu e njeh mirë kampionatin shqiptar pasi sezonin e fundit ka qenë pjesë e ekipit të Dinamos, teksa ka luajtur edhe Apoloninë në Superiore.
Klubi i Kukësit i uron mirëseardhje mesfushorit Haxhiu dhe shumë suksese me fanellën e skuadrës sonë. Mirë se vjen Rimal Haxhiu!”, shkruhet në njoftimin e klubit. / Oversport.tv
