Ditën e sotme kanë vijuar ndryshimet në strukturat drejtuese të Partisë Demokratike. Pas caktimit të Enkelejd Alibeajt si drejtues politik të qarkut Shkodër, Lulzim Basha i ka besuar qarkun e Gjirokastrës Roland Bejkos.
Anëtari i Këshillit Kombëtar të PD-së, Roland Bejko do të zëvendësojë në këtë detyrë deputetin Tritan Shehu, i cili u përjashtua nga PD dhe funksionet që mbante për shkak të pozicionimit krah ish-kryeministrit Sali Berisha.
NJOFTIMI:
“Të nderuar Kryetarë,
Në mbështetje të nenit 33 të Statutit të Partisë, ju informoj se Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko. Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku.
Duke ju uruar punë të mbarë,
Sekretari i Përgjithshëm
Gazment BARDHI”, ka shkruar ai.
