TEL AVIV, 23 nëntor /ATSH-DPA/- Kryeministri izraelit Benjamin Netanyahu e ka përshkruar marrëveshjen e armëpushimit me Hamasin islamik për shkëmbimin e pengjeve si “vendimin e duhur”.
“Lufta do të vazhdojë edhe pas zbatimit të marrëveshjes për shkëmbimin e pengjeve izraelite me të burgosur palestinezë”, theksoi ai në një konferencë për shtyp në Tel Aviv.
“Luftimet do të vazhdojnë derisa Izraeli të ketë arritur të gjitha qëllimet e tij”, shtoi Netanyahu.
Deri në 100 pengje nga Izraeli mund të shkëmbehen me deri në 300 të burgosur palestinezë në burgjet izraelite.
Netanyahu e cilësoi kthimin e pengjeve si një detyrë etike dhe tha se çdo mundësi do të shfrytëzohej për të liruar përfundimisht të gjithë pengjet që u morën kur terroristët e Hamasit sulmuan Izraelin më 7 tetor, duke vrarë rreth 1 200 civilë.
Izraeli u kundërpërgjigj me bombardime dhe një ofensivë tokësore, ndërsa Ministria e Shëndetësisë së Gazës të drejtuar nga Hamasi tha se kishin vdekur mbi 16 000 persona. //a.i/