TEL AVIV, 5 nëntor /ATSH-DPA/ – Kryeministri izraelit, Benjamin Netanyahu dhe ministri i tij i Mbrojtjes hodhën poshtë pretendimet e ministrit të Trashëgimisë Amichai Eliyahu se një bombë bërthamore mund të përdorej në Rripin e Gazës.
“Deklaratat e ministrit Amihai Eliyahu nuk bazohen në realitet. Izraeli dhe IDF (Forcat e Mbrojtjes së Izraelit) po funksionojnë në përputhje me standardet më të larta të ligjit ndërkombëtar për të shmangur dëmet”, tha Netanyahu në X, dikur Twitter.
Eliyahu nuk është anëtar i kabinetit të sigurisë së Izraelit apo i kabinetit të luftës që drejton fushatën aktuale kundër Hamasit në Rripin e Gazës.
Ministri i Mbrojtjes Yoav Gallant dënoi deklaraten e Eliyahu duke e pershkruar si “të pabazë dhe të papërgjegjshme”. //a.i/