Sonte dhe nesër më 9 tetor qielli i natës do të shkëlqejë nga shiu i meteorëve.
Përgjatë dy netëve, planeti ynë do kalojë mes miliona shkëmbinjsh të vegjël të akullt të lëna pas nga mbetjet e kometave.
Në kohën që meteoritët do të hyjnë në atmosferën e Tokës, për shkak të shpejtësisë së lartë dhe kontaktit me oksigjenin, do të përfshihen nga flakët duke dhuruar një spektakël dritash. Sipas NASA-a fenomeni nuk përbën rrezik për Tokën pasi shumica e këtyre meteoritëve janë në përmasa të vogla dhe digjen në atmosferë para se të arrijnë në sipërfaqen e saj.
“Meteorët që do të shohim mbrëmjen e 8 dhe 9 tetorit vijnë nga Yjësia e Drakonit.
Fatkeqësisht, ky spektakël nuk do mund të shihet shumë qartë pasi përgjatë dy ditëve, Hëna do të jetë e plotë, duke venitur shkëlqimin e meteorëve.
