Ola Solbakken do të jetë në dispozicion të Romës që nga janari. Tratativat janë mbyllur me sukses disa muaj më parë, por tashmë është vetë lojtari i Bodo Glimt ai që konfirmon largimin, duke përshëndetur shokët e skuadrës dhe tifozët pas javës së fundit të kampionatit norvegjez.
Solbakken do të jetë përforcimi i parë për Romën e Mourinhos në janar dhe do të firmosë që kontratë deri në vitin 2027, ku do të përfitojë 1 milionë euro neto në sezon plus bonuse.
“Do të shkoj të luaj në një kampionat dhe klub të madh. Do ti jem gjithmonë mirënjohës Bodos për këto vite, u bëmë një familje duke arritur rezultate të mëdha. Ndoshta do takohemi sërish një ditë, por si kundërshtarë”, ka thënë Solbakken pas ndeshjes kundër Stromsgodset. / Oversport.tv