DAMASK, 23 shtator /ATSH-AFP/ – Të paktën 73 migrantë janë mbytur në brigjet e Sirisë pasi varka e tyre nga Libani u mbyt, tha sot ministri sirian i Shëndetësisë, Hassan al-Ghoubach.
Ky është numri më i madh i vdekjeve të shkaktuara nga fenomeni i migrimit të paligjshëm nga Libani.
”Në një vlerësim ende të përkohshëm, numri i viktimave të fundosjes së varkës është 73, ndërsa 20 persona po trajtohen në spitalin Al-Basel, në Tartous, një qytet bregdetar sirian”, tha Hassan al-Ghoubach në një deklaratë./ a.jor.
