Ish-kryeministri Sali Berisha, i ftuar në një emision televiziv ka deklaruar se PD do të jetë e hapur ndaj vlerave më të mira të shoqërisë.
Berisha në ‘Zonë e Lirë’ ka folur gjithashtu duke thënë se do të përpunojë të gjithë programin e qeverisë së saj të ardhshme dhe se hartojë të gjithë elementët për t’i paraqitur shqiptarëve ndryshimin që ata duan.
Ndër të tjera shtoi se është një lider i fortë dhe se nuk ka asnjë arsye që të mos besojë tek ish-kryeministri dhe ekipi i tij.
Intervista:
Pyetje: Beson se do të udhëheqësh protestat për rritjen e çmimeve?
Berisha: Pa diskutim që do të organizohen, por do të respektohen të gjitha ata që organizojnë dhe pa pretenduar për të marrë lidershipin e tyre.
Pyetje: Problemi kryesor që ka sot PD është varësia nga zoti Berisha. Si do e tejkaloi PD zotin Berisha?
Berisha: Ajo e tejkalon zotin Berisha kur vendosin ligjin mbi zotin Berisha, mbi kryetarin. Pra kur të jetë një parti jo e kryetarit por e zgjedhur me votën e lirë. Ajo parti kurrë nuk ka larguar njeri pa një procedurë vote, por janë larguar vetëm ata që nuk janë pajtuar me rezultatin e votës. Ky dimension do të shtrihet gjer tek kryetari. Vendimmarrja do i kalojë kryesisë, Këshillit Kombëtar. Grupit të deputetëve që nuk mund të jenë një varësi e emërimit nga kryetarin, por të zgjedhur me votën e lirë. Statuti është rikthim i madh i vlerave të lirisë në PD. Ndryshimi ka të bëjë me një qëndrim ndaj normave dhe demokracisë në tërësi. Nuk mund të ndërtojë shtet ligjor një parti që nuk respekton statutin e saj. Kur është në opozitë dhe shkelmon në statut ajo në qeveri do të bëjë po të njëjtin veprim. Sali Berishës mund t’i thonë shumë gjëra, por Sali Berishës nuk i thonë dot se nuk është ‘strong lider’, nuk kanë arsye të mos besojnë se Berisha me ekipin e tij mund të sjellë ndryshimin. Rama kishte shkaktuar kënetën që shqiptarët kërkonin të ndryshonin, por kishte arrogancën. Ndaj doli edhe kompleksi, nuk flas me të vdekurit tha.
