Ish-zyrtarja e Lidhjes Demokratike të Kosovës, Melihate Tërmkolli, ka reaguar pas shkarkimit të Lulzim Bashës nga Kuvendi i thirrur nga Sali Berisha.
Ajo tha se shqiptarët kanë dy liderë, Ibrahim Rugovën dhe Sali Berishën, transmeton Klankosova.tv.
“Shqiptarët kanë dy liderë, dy prijës kombëtarë që e bënë historinë e shqiptarëve, Dr. Ibrahim Rugova dhe dr. Sali Berisha. Tjerët janë kryetarë partish, kryeministra ose presidentë!” shkroi Tërmkolli në një postim në Facebook.
Tutje ajo tha se secili ka vlerën e vet politike.
Delegatët e pranishëm në kuvendin kombëtar të Partisë Demokratike, votuan këtë të shtunë për të shkarkuar kryetarin Lulzim Basha.
Kanë votuar 4491 delegatë, prej të cilëve pro shkarkimit 4446. Kundër 36 dhe 9 delegatë e kanë nxjerrë të pavlefshme.
Megjithatë, fjala e fundit i mbetet referendumit të thërritur për datën 18 dhjetor, ku çdo anëtarë i partisë në të gjithë vendin do të votojë për të ratifikuar votimin e të shtunës.