Pas dy zhgënjimeve në ndeshjet zyrtare të Nations League ndaj Islandës dhe Izraelit, Shqipëria zbret sërish në fushë, këtë herë për miqësoren ndaj Estonisë. Trajneri Edy Reja ka përzgjedhur formacionin titullar teksa italiani ka vendosur t’i japë besim lojtarëve të cilët kanë pasur pak apo aspak minuta në këtë grumbullim me kombëtaren.
Kështu, në portë e nis si titullar Gentian Selmani, ndërsa në mbrojtje debuton Ardian Bajrami dhe përkrah tij rreshtohen Enea Mihaj dhe Erjon Hoxhallari. Ndërkohë, në pesëshen e mesfushës, Veseli dhe Hysaj konfirmohen titullar në krahë ashtu siç ishin ndaj Izraelit ndërsa në këtë repart luajnë edhe Çokaj, Ramadani e Çekiçi. Në sulm, dyshja Taulant Seferi-Giacomo Vrioni.
Shqipëri-Estoni (0-0)
53’ – Çekiçi fiton një goditje dënimi mbi vijën e 16-metërshit, të cilën e ekzekuton vetë dhe gjen kuadratin, por grushton portieri i Estonisë.
50’ – Uzuni lëviz bukur dhe lëshon një goditje nga distanca, por gardiani i Estonisë fluturon dhe shmang golin.
Mbyllet pa gola pjesa e parë në “Air Albania”
32′ – Çekiçi hedh një kros perfekt për Vrionin, që shpërdoron dhe godet mbi kuadrat. Mundësi ideale për kuqezinjtë…
30’ – Kuqezinjtë ekzekutojnë një këndore, teksa Seferi provon të dërgojë topin në rrjetë, por topi devijohet dhe largohet nga mbrojtja estoneze.
22′ – Krosim në zonë për Vrionin që kërcen mirë, por godet keq dhe nuk rrezikon portën kundërshtare…
16’-Hysaj tenton të gjej golin në një gjuajtje nga distanca, por e dërgon topin te portieri Igonen.
08-Dëmtohet Hoxhallari, ndalet për pak momente ndeshja.
Formacioni zyrtar:
Shqipëria: Selmani, Bajrami, Mihaj, Hoxhallari, Veseli, Çokaj, Ramadani, Çekiçi, Hysaj, Seferi, Vrioni
Trajner: Edy Reja
Estonia: Igonen, Kuusk, Paskotsi, Lukka, Purl, Peetson, Soomets, Poom, Miller, Sorga, Zenjov
Trajner: Thomas Häberli
Top Channel
