Shkupi shpallet kampion në Maqedoninë e Veriut për të parën herë. Skuadra shqiptare ia doli të festonte para tifozëve të vet pasi mposhti ne derbin e shqiptarëve skuadrën e Renovës me rezultatin e pastër 2-0.
Bardhekaltrit nuk e kishin të lehtë, por ia dolën në minutat e fundit të realizojnë me Adetunji golin e parë dhe në shtesë Da Silva vulosi fitoren dhe në fushë zbritën edhe tifozët për të fituar këtë arritje të madhe.
Një titull i merituar për Shkupin, që tregoi gjatë gjithë sezonit se nuk kishte rival dhe e mbylli garën katër javë para fundit me 13 pikë më shumë se Akademija Pandev.
Shkëndija e Tetovës ka marrë një fitore me shumë vlera për vendin e tretë. Kuqezinjtë mposhtën me rezultatin 3-1 skuadrën e Makedonija GP, rival direkt.
Ljupche Doriev ishte ai që e zhbllokoi ndeshjen dhe shënoi edhe golin e tretë, pasi më parë Sindrit Guri kishte dyfishuar. Cooper, ish-sulmuesi i Kukësit, shënoi më pas një gol për statistika në portën e Shkëndijës.
Fitore edhe për Strugën ditën e sotme. Skuadra shqiptare likuidoi 4-0 ekipin e Pelister. Jobe shënoi dy herë në pjesën e parë të ndeshjes, kurse Bojku dhe Kocoski i mbyllën llogaritë edhe me dy gola të tjerë.
LIGA 1 MAQEDONI E VERIUT – JAVA 29
Shkëndija-Makedonija GP 3-1
Shënues: Doriev 17’, 68’, Guri 20’ / Cooper 77’
Shkupi-Renova 2-0
Shënues: Adetunji 81’, Da Silva 90+5’
Struga-Pelister 4-0
Shënues: Jobe 16’, 42’, Bojku 58’, Kocoski 65’
Tikvec-Borec 5-0
/ oversport.tv
