UASHINGTON, 13 mars /ATSH-DPA/- Një tjetër gazetare e televizionit amerikan Fox News është vrarë pranë Kievit, 24-vjeçarja Oleksandra Kuvshinova u vra në Horenka së bashku me kolegun e saj, kameramanin Pierre Zakrzewski, njofoti sot kanali televiziv.
Sipas njoftimit, automjeti i ekipit është goditur nga zjarri. Korrespondenti Benjamin Hall është plagosur. Kuvshinova kishte mbështetur ekipin e Fox News gjatë mbulimit të ngjarjeve në Ukrainë.
“Ajo ishte jashtëzakonisht e talentuar dhe kaloi javë të tëra duke punuar drejtpërdrejt me të gjithë ekipin tonë atje, për t’u siguruar që bota të ishte në dijeni se çfarë po ndodhte në vendin e saj”, thuhet në njoftim.
Fox News kishte konfirmuar më herët se kameramani 55-vjeçar Pierre Zakrzewski ishte vrarë gjithashtu në incidentin e së hënës.//a.i/
