UASHINGTON, 14 qershor /ATSH-AA/ – Mbi 100 milionë persona në të gjithë SHBA-në janë duke u prekur nga vala gjithëpërfshirëse e të nxehtit që pritet të thyejë rekorde në shumë pjesë të vendit teksa lëviz drejt lindjes.
Shërbimi Kombëtar i Motit (NWS) tha se vala e të nxehtit do të vazhdojë gjatë gjithë javës pasi zgjerohet “nga rrafshnalta në Perëndimin e Mesëm dhe Juglindje”.
Në një alarmim të veçantë moti theksohet se “nxehtësia e rrezikshme” pritet të shtrihet nga Lugina e Mississippi-t në juglindje deri në mes të javës dhe “kushtet kritike të motit nga zjarri” do të jenë të pranishme në jugperëndim dhe në qendrën shkëmbore gjatë natës së të hënës.
Temperaturat e larta pritet të arrijnë në mbi 37 gradë Celsius, me indekset e nxehtësisë që mund të jenë mbi këto temperatura.
Raporte të shumta thonë se numri i njerëzve që janë prekur i kalon 100 milionë./ /os/