Ndërsa tensionet Rusi-Ukrainë vazhdojnë, u vunë re përpjekjet e Shteteve të Bashkuara të Amerikës (SHBA) për të ndryshuar disa nga deklaratat e tyre për këtë çështje.
Duke iu përgjigjur pyetjes së një gazetari se sa kohë ishte vetëm çështje kohe para se Rusia të sulmonte Ukrainën, zëdhënësi i Departamentit amerikan të Shtetit Ned Price tha: “Ne kurrë nuk thamë se sulmi është vetëm një çështje kohe. Ne thamë se nëse (Presidenti rus) Vladimir Putin vendos të pushtojë Ukrainën, ai i vendosi forcat e tij në një pozicion të tillë për ta bërë atë në çdo kohë. Kjo mund të ndodhë në një ditë, apo pas dy javëve, por ata kanë arritur atje. Kështu që ‘çështja e kohës’ atje do të thotë fundi i pashmangshëm.”
Në përgjigje të pyetjes se “Ju tani thoni që askush nga administrata nuk tha se pushtimi është i afërt?” Price pretendoi se ata mund të kishin thënë “potencialisht është vetëm çështje kohe”.
“Nëse pushtimi do të ishte vetëm çështje kohe, ne nuk do t’i jepnim përparësi diplomacisë dhe dialogut”, tha ai.
Këshilltari i Sigurisë Kombëtare i SHBA-së, Jake Sullivan, tha të dielën se është vetëm çështje kohe para se Rusia të sulmon Ukrainën.
Zëdhënësja e Shtëpisë së Bardhë Jen Psaki ka deklaruar vazhdimisht se Rusia mund të pushtojë Ukrainën në çdo kohë.
Psaki tha më pas në një konferencë të përditshme shtypi në Shtëpinë e Bardhë më 2 shkurt se “është vetëm çështje kohe” për pushtimin e mundshëm të Ukrainës nga Rusia. Nuk e dimë nëse Presidenti rus Vladimir Putin ka vendosur ende të pushtojë”, tha ajo.
Presidenti i SHBA -së Joe Biden ka thënë më parë se Rusia mund të pushtojë Ukrainën në shkurt.
