UASHINGTON, 15 mars /ATSH-UKRINFORM/- Presidenti amerikan Joe Biden ka nënshkruar një nismë legjislative të miratuar më parë nga Kongresi, e cila parashikon shpërndarjen e 13.6 miliardë dollarëve si një përgjigje emergjente ndaj agresionit të Rusisë kundër Ukrainës.
“Sapo nënshkrova projektligjin për financimin e qeverisë dypartiake, duke siguruar një financim historik prej 13.6 miliardë dollarësh për Ukrainën”, njoftoi Biden në Twitter.
Siç është raportuar, të dyja Dhomat e Kongresit të SHBA-së kanë miratuar një projektligj në shkallë të gjerë me një financim buxhetor prej 1.5 trilion dollarësh javën e kaluar, duke i dhënë fund kërcënimit për mbylljen ose pezullimin e financimit federal të SHBA-së.
Dokumenti përfshin 13.6 miliardë dollarë në mbështetje të Ukrainës dhe aleatëve të saj në krahun lindor të NATO-s.
Paketa përfshin mbi 3 miliardë dollarë për të mbështetur Komandën Evropiane të Shteteve të Bashkuara, vendosjen e trupave amerikane në rajon, mbështetjen e shërbimeve sekrete, forcimin e aftësive mbrojtëse të Ukrainës dhe plotësimin e rezervave të Pentagonit të alokuara më parë për Ukrainën.
Ligji parashikon gjithashtu rreth 4 miliardë dollarë si ndihmë humanitare, ndihmë për refugjatët dhe sigurimin e ushqimit emergjent dhe ndihmës shëndetësore. //a.i/