Gjithsej 136 masa janë shqiptuar gjatë ditës së djeshme në territorin e Qytetit të Shkupit në kontrollet e intensifikuara në zonën e komunikacionit.
Nga këto për drejtim të automjetit mbi shpejtësinë e lejuar janë 11 sanksione, 10 masa për drejtim të automjetit pa patent shoferi, shtatë sanksione për mosrespektim të përparësisë së kalimit.
“Kontrollet e përforcuara vazhdojnë edhe në ditën në vijim. U bëjmë apel qytetarëve t’i respektojnë rregullat dhe dispozitat e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta”, theksohet në kumtesën e MPB-së.